கூத்தாடிகளுக்கு
பாலூற்றி
கோவில் கட்டி
கொண்டாடும் மூடர்கள்
வலைதளங்களில்
ஆபாச தேடல்கள்
காணும் காமுகர்கள்
ஏழைகளின் பிரச்சனையை
காட்டி அரசியல்
நடத்தும் ஆட்கொள்ளிகள்
அ முதல் ஃ வரை
உள்ள எல்லாவற்றிலும்
சுருட்டும் ஊழல் பெருச்சாளிகள்
காதல் என்ற பெயரில்
விரக தாபம் தீர்க்க
மறைவான இடம் தேடும்
மார்கழி மாத நாய்கள்
விளை நிலங்களை
விலை நிலங்களாக
கையகப்படுத்திய வியாபாரிகள்
இன்னும் பல
அவலங்களை
வேடிக்கை மட்டுமே பார்க்கும்
ஒன்றுக்கும்
உதவாத ஜென்மங்கள்
எங்கே போகிறது
என் நாடு...
No comments:
Post a Comment